Komo ku drag race ta un dje deportenan mas kostoso na Kòrsou, fundashon Danny de Kort Motorsports, den su afan pa duna un man, ta introdusí Drag Race Advertising Program.11/12/2015 - A paga ganadornan di CEF ku ta den DRAP:
Ayera a paga esnan ku a sa di gana of sali runner up den un dje kuater kategorianan di Curaçao Extreme Finals ku DRAP a sostene. Solamente den kategoria "Extreme ET Bracket" tabata tin koredornan ku a "kom in aanmerking".
E ganador di Extreme ET Bracket, Sr. David Tannelek, a resibi di DRAP, na nomber di tur e kompanian ku ta partisipa, un suma di Ang. 795 i ademas 6 six-pack di serbes Presidente.Runner up di e mesun kategoria aki, Sr. Senthley Martina, tambe a resibi na nomber di tur e kompanianan ku ta partisipa na DRAP un suma di Ang. 265 i 2 six-pack di Presidente.
Nos kier a jama danki na FAC i Curaçao Extreme Foundation pa un bon trabou. Ku e kareda aki nos a klousura e prome aña di DRAP, den kual nos a obsekia un extra Ang. 3955 na koredornan ku ta afilia na DRAP. Danki pa e konfiansa deposita den nos.
Pa registra pa ta den e programa inovativo aki, djis jama 511-5615. Korda ku ta pa non-street going doorslammers so.
---------------------------------------------------------------------------------------------------------------------
7/12/2015 - Ganadornan (DRAP) di Curaçao Extreme Finals:
Un gran kareda ta tras di lomba i partisipantenan di DRAP a sa di competi na nivel haltu i gana i sali runner-up den nan kategoria. Mi ta pidi boso entrega boso informashon manera stipula pa reglanan di DRAP, ja mi por bai over na prepara e cash payments mas pronto ku ta posibel.
E kategorianan ku DRAP a sostene den e kareda Curaçao Extreme Finals tabata: Extreme Super Comp, Extreme Super Gas, Extreme Super Street, i Extreme ET Bracket.
Pabien na tur esnan ku a partisipa na e kareda aki, i muy en especial, esnan ku a bai ku premio. Tambe un danki na e organisador Curaçao Extreme Foundation i naturalmente track operator FAC.
---------------------------------------------------------------------------------------------------------------------
26/11/2015 - Serbes Presidente a wordu entrega
Di e kompanianan ku ta partisipa den DRAP, Leañez ja kaba a entrega e premionan ku lo ta disponibel na e koredornan ku ta partisipa na DRAP. Great ku nos tin e support serbes Presidente.E demas kompanianan ta paga ku cash. Esakinan ta:
Kuzeta ku Sunoco race fuels,
Imperial Sales & Services,
Mechanical Machine Shop Gabriela,
Vreugdenhil Supermarket,
Iepa Sales ku L-X 2300,
Arpo Body Shop,
Napa ku Torque Tires,
Bonaire Transport,
Don Andres,
R & J Towing,
Tire Tire ku Valvoline,
Seven-10 Bar & Grill,
Curaçao Hot Rod Association.
-------------------------------------------------------------------------------------------------------------------
24/11/2015 - Opsekio kampionato RKS 2015
Komo ku den 2015 DRAP a sostene tres kareda di Ronde Klip Shootout (ku dos kategoria), nos a disidi di pone dos opsekio disponibel pa e kampeonan.
Tantu Senthley "Polin" Martina y Cleo Soerka (bike) a bai kas ku algo ku nan no a verwagt. Polin a haña di DRAP un set di Rhino Car Ramps komo opsekio, i Cleo a haña un 5 gallon portable air tank. Keep up the good work guys!
Potret links ta di Polin resibiendo su premio di representante di DRAP e anochi aki, Virgil Henriquez. Potret kortesia di TCOB. Potret rechts ta di Cleo risibiendo su tanki airu. Aunke DRAP no ta sostene drag bikes ainda, nos a disidi di duna nan un opsekio tambe. Potret kortesia di FAC.
------------------------------------------------------------------------------------------------------------------
20/11/2015 - Kategorianan DRAP den Curaçao Extreme Finals:
Manera informa den September, DRAP lo sostene e karedanan di Extreme Finals. E kategorianan ku lo sostene ta:
- Extreme Super Comp,
- Extreme Super Gas,
- Extreme Super Street,
- Extreme ET Bracket.
Tur regla di DRAP ta keda na vigor pa e kareda aki. Sea asina bon di repasa esakinan pa bo no gana pero ta kontra di regla. Lo bo no haña payout.
Si bo tin pregunta, no warda te na ultimo momento pa jama mi. Puntra awor via 599 9 511-5615. Korda ku koredornan ta responsable pa sakamentu di potret. Tambe tin un momento ku mester saka e potretnan. Please lesa e reglanan. Si bo no tin nan mas, avisa nos.
Si tin koredornan ku kier registra pa DRAP, no warda te na ultimo momento pa hasi esaki. Tal vez e stekernan pa e aña aki a kaba. Registra mesora...... bebe awa limpi!
-------------------------------------------------------------------------------------------------------------------
23/9/2015 - Sigiente kareda lo ta Curaçao Extreme Finals:
E sigiente kareda ku nos Drag Race Advertising Program (DRAP) lo sostene lo ta e Curaçao Extreme Finals di 3-5 December, 2015.Lokual ta diferente pa e kareda aki, kual ta mas grandi ku e RKS ku nos a bin ta aporta na dje, ta ku nos lo por sostene mas kategoria di auto, te ku 5 en total. Ku otro palabra, mas participante di DRAP lo por gana extra si nan ta konforme regla i sali ganado of runner-up den e kategorianan ku nos lo sostene. Manera nos sa ki lo ta e kategorianan, nos lo informa esaki via di e blog aki. So please check back.
Si bo no ta un partisipante di DRAP ainda, no warda te na ultimo momento pasobra bo por ta laat.
-------------------------------------------------------------------------------------------------------------------
1/8/2015 - Sigiente kareda RKS, 29 di ougustus:
E sigiente kareda ku nos Drag Race Advertising Program (DRAP) ta partisipa na dje lo ta e Ronde Klip Shootout di 29 di Augustus, 2015. Nos ta desea tur e partisipante hopi exito!Si bo tambe kier partisipa den e programa di DRAP ku un chens pa gana un extra Ang. 800 no warda te na ultimo momento pero jama nos na 511-5615 pa e formulario di inskripshon. Korda ku outo ku ta kore riba kaya no ta eligible.
The next DRAP supported drag race will be the Ronde Klip Shoot Out of August 29, 2015.
We wish all participants the best of luck.
Should you want to be part of this program with the chance to win about Ang. 800 extra sign up right away by calling us at 511-5615 for further information.
-----------------------------------------------------------------------------------------------------------------
6/4/2015 - Resultado di RKS 30 di Mei:
E biaha aki esnan ku a gana of a sali runner-up den e kategorianan di Heavy Bracket Box i Heavy Bracket No Box na tabata partisipante di DRAP. Si bo kier partisipa no warda te na ultimo momento pa hasi esaki.
------------------------------------------------------------------------------------------------------------------
5/25/2015 - Sigiente kareda RKS, 30 di Mei:
 |
Tuma kontakto mesora ku mi persona na telefon 511-5615 pa bo pasa inskribi i tuma bo envelop ku stekernan. Por hasi esaki te ku Djabierne awor. Partisipashon den e programa ta gratis.
Si e ganado of runner-up di un dje kategorianan menshona aki bou di e Ronde Klip Shootout di 30 di Mei awor, ta participante di DRAP i ta konforme reglanan, e lo por gana un extra premiashon. Esaki ta ilustra aki bou:
premiashon pa ganado premiashon pa runner-up
- Heavy Bracket BOX Ang. 870,00 Ang. 290,00
- Heavy Bracket NO BOX Ang. 870,00 Ang. 290,00
Pa mas infomashon sigi lesa aki bou of tuma kontakto ku mi persona libremente.
----------------------------------------------------------------------------------------------------------------
4/13/2015 - Sigiente kareda den kual DRAP lo partisipa:
E sigiente kareda den kual DRAP lo partisipa lo ta e Ronde Klip Shootout di 30 di Mei 2015. E motibu ku no a opta pa e Drag Fest, ta pasombra e kareda aki ta esun di mas grandi di aña, tin bon akogida i tin un hopi bon premiashon kaba. Tambe tin hopi koredor di exterior ku lo no bini na remarke pa partisipa den e programa.
-------------------------------------------------------------------------------------------------------------------
1/4/2015 - Entrega di premio di DRAP:
Ayera a tuma lugar e entrega di premio di DRAP na nos garagi. Tantu Senthley komo Virgil a asisti ku nan team, kaminda nan a wordu malkria ku premium F&B. Tambe tabata tei presente representate di Leañez, Imperial, i R & J Towing pa tuma nota di e entrega di premio. Tur dos a bai ku Ang. 795 cash i 6 six-pack di Presidente. E potret ta ilustra e dos koredornan ku nan envelop ku kontenido. Naturalmente mas laat bira den anochi, mas e mamamentu di gai tabata tin. Pa esnan ku no a inskribi ainda, wak pa bo keda afo otro biaha! Jama pa bo pasa inskribi.------------------------------------------------------------------------------------------------------------------
30/3/2015 - Prome premiashon di DRAP:
Djasabra ultimo e prome partisipashon di DRAP a tuma luga den un drag race sankshona pa FAC, kual tabata un Ronde Klip Shootout. Nos ta kontentu di anunsia ku dos partisipantenan di DRAP a bai ku e prome lugarnan, esta di Heavy Bracket BOX i Heavy Bracket NO BOX. Esaki nan ta Virgil Henriquez den box i Senthley Martina den no box.
Despues di entrega ofisial di premio nan a laga saka potret (minimo 5 Mb) i a manda nan Djaluna mainta trempan pa nos via email. Nos na turno a kontrola ku nan ta konforme regla i prepara nan payout. Komo ku nan tur dos tabata tin e set kompleto di stekernan di DRAP riba nan outo, nan a gana lo maksimo den premiashon.
 |
| Virgil Henriquez, ganado di Fls 870 extra |
Sunoco Racing Fuel, Imperial, Mechanical Machine Shop Gabriela, Vreugdenhil, L-X 2300, Leañez, Arpo Body Shop, Torque Tires, Bonaire Transport, Don Andres, R & J Towing, Valvoline, Seven-10, Curaçao Hot Rod Association.
Si bo no a inskribi ainda, no tarda pa bo no keda afo e sigiente biaha DRAP duna sosten na un drag race.
--------------------------------------------------------------------------------------------------------------------
23/3/2015 - Prome Ronde Klip Shootout ta forma parti di DRAP:
Pa medio di esaki mi ta informa ku e Ronde Klip Shootout di 28 di Mart awor lo ta e prome drag race ku DRAP lo sostene. Esta, si e ganado of runner-up di un dje kategorianan menshona aki bou, ta participante di DRAP i ta konforme reglanan, e lo por gana un extra premiashon:
premiashon pa ganado premiashon pa runner-up
- Heavy Bracket BOX Ang. 870,00 Ang. 290,00
- Heavy Bracket NO BOX Ang. 870,00 Ang. 290,00
Si bo no a inskribi ainda, no warda te na ultimo momento. Jama mesora na 511-5615
Exito na tur e koredornan!
--------------------------------------------------------------------------------------------------------------------
18/3/2015 - Kambio den dunamentu di info/inskripshon
Pa medio di esaki mi ta informa ku e anochinan di informashon ta keda kansela te otro aviso. Motibo ta falta di interes di parti di koredornan.
Pa mas informashon, jama 511-5615.
13/3/2015 - Di dos anochi informativo
Otro siman Djamars lo mi tene e di dos anochi informativo tokante di DRAP, komo ku aki dos siman e prome Ronde Klip Shootout lo wordu teni. E kareda aki lo por forma parti di DRAP basta tin sufisiente partisipante ku a schrijf in den e programa.
Tambe, no warda pa te ultimo dianan prome ku kareda pa schrijf in paso no ta sigur ku lo tin oportunidad pa schrijf in na pista. E programa ta liber di gastu pero mester schrijf in na ora. Paga bon tino na esaki.
Fecha: Djamars, 17 di Mart, 2015
Lugar: Seven-10 (Parera)
Ora: 7or pa 8or pm
Lo mi kontesta kualkier pregunta ku por tin tokante di DRAP.
Pa mas informashon, jama 511-5615 of scroll mas abou den e blog aki.
---------------------------------------------------------------------------------------------------------------------
11/3/2015 - Diferensha entre steker Premium i Basic:
Si akaso tin duda di e importansha entre e dos tipo di stekernan, esta "premium" versus "basic", aki bou mi ta ilustra kiko un steker ta paga (figure of speech):
Winner Runner-up
- "premium" on front fender 75,00 25,00
- "basic" on rear fender 45,00 15,00
Ehempel, si bo tin pensa di pone e sigiente stekernan riba bo doorslammer:
a. Torque Tires, Sunoco, Vreugdenhil, Mechanical Machine Shop Gabriela, i 402 (5 premium),
b. Valvoline, Seven-10, Don Andres, Bonaire Transport, Team, i R&J Towing (6 basic)
E ora ei, si bo ta konforme regla di DRAP i tambe di e Decal Rules i bo gana of sali runner-up, lo bo resibi:
Winner: 4 x 75,00 + 6 x 45,00 = 570,00 cash + 75 florin na serbes Presidente,
Runner-up: 4 x 25,00 + 6 x 15,00 = 190,00 cash + 25 florin na serbes Presidente.
Si bo tin duda, tuma kontakto ku mi i gustosamente lo mi splika bo personalmente.
Danny, 511-5615
--------------------------------------------------------------------------------------------------------------------
7/3/2015 - Kambio den Premium Decals:
Tin un kambio ku a tuma luga den e Premium decals. Desafortunadamente un kompania a drop out foi DRAP pa motibonan fuera di nan alkanse. Esaki no a forma un problema grandi komo ku e programa no a kuminsa ainda i nos por hasi e kambionan sin afekta un partisipante, ku ta ilustra aki bou:
For di awor:
Premium decals: tin 8 kompania pagando Ang. 75 pa winner i Ang. 25 pa runner-up. Un kompania lo paga ku serbes Presidente. Premiashon maximo pa winner lo ta Ang. 870 i pa runner-up Ang. 290.
Naturalmente nos ta keda traha pa haña mas kompania join DRAP. Si tin pregunta, please jama 511-5615.
---------------------------------------------------------------------------------------------------------------------
5/3/2015 - Prome anochi informativo:
Otro siman djamars lo mi tene un anochi informativo tokante di e DRAP, komo ku aki tres siman e prome Ronde Klip Shootout lo wordu organisa. E kareda aki lo por forma parti di e DRAP basta tin sufisiente partisipante ku a schrijf in den DRAP.
Fecha: Djamars, 10 di Mart, 2015
Lugar: Seven-10 (Parera)
Ora: 7or pa 8or pm
Lo mi kontesta kualkier pregunta ku por tin tokante di DRAP i tambe lo tin oportunidat pa schrijf in pe programa aki, kual ta sin gastu pa e partisipantenan.
Pa mas informashon, jama 511-5615.
------------------------------------------------------------------------------------------------------------------
21/3/2015 - Introdukshon DRAP:
E programa di 2015 ta yuda te un máksimo di 4 drag race sankshoná pa FAC (FAC ta determiná resultadonan), di kua nos lo selekshoná un máksimo di 5 kategoria. E Ronde Klip Shootout ta elegibel. DRAP no ta aplikable pa dragsters, motorsaikel òf outo ku ta kore riba kaya.
DRAP ta un derivado di e konosido "contingency program" merikano. Den esaki e kompanianan ku ta traha piesa pa outo di drag pa paga un ganadó di kareda un montante (òf opsekio) ku ta dependé riba e ganadó su uso dje piesanan pa gana e kareda kun'e. DRAP ta paga un ganadó òf runner si esaki gana ku steker dje kompanía riba su outo tipo "doorslammer" konforme e reglanan. Outonan ku no ta "doorslammers" por pidi pa eksepshon. Si un hende tin tur e stekernan di DRAP riba su outo e ta garantisá di por gana e montante máksimo disponibel. No ta hopi hende lo keda sin kobra un parti grandi di nan ganashi, pero ta nèt esaki poko lo hasi ora ku nan no hasi uso di DRAP.
Nos lo atministrá henter e programa, esta ku nos lo pone e stekernan disponibel na e partisipantenan, despues di e karedanan nos lo kalkulá e montante ku kada hende mester risibí i lo pone esaki disponibel na nan masl lihê ku ta posibel. Despues di esaki nos lo puntra e kompaníanan pa paga nos bèk. Ku otro palabra, partisipantenan di DRAP lo risibí nan chèk direktamente di nos, i nos lo risibí e mesun montante bèk for di e kompanianan.
DRAP ta 100% transparente komo ku tur hende sa adelantá kiko nan lo por gana, esta si nan kumpli ku regla. E servisio di DRAP ta sin gastu. E uniko ku nos ta pidi ta pa yuda kuida e programa i promové i sostene e kompaníanan ku ta partisipá na e programa di DRAP mas tantu posibel.
Prosedimentu di reklamo di premio:
Un partisipante ta responsabel di tin un fotógrafo (preferiblemente profesional) pa tuma foto di su vehíkulo imediatamente despues di e kareda final, aloménos, dos si resolushon altu (mínimo 5 MB), un di kada banda, preferibelmente ku e konduktor pará na su outo, i manda esakinan via di email mas pronto ku ta posibel pa fundashon DDKM. Esaki ta pa nos konfirmá ku e partisipante a kumpli ku reglanan i e steker ta apliká konforme DRAP Decal Rules. Pues ta sumamente importante pa e partisipante sigui e DRAP Decal Rules ora di pega e stekernan riba su outo. Tambe, e partisipantenan mester tene su mes na altura di DRAP i di kualke kambio ku por tin den esaki.
Deskualifikashon:
Fundashon DDKM ta tuma su tarea mashá na serio. "No tin zona entre medio. Sea bo tin é bon òf no". Ta deber di partisipantenan di konosé e rekisitonan. Ignoransha na ta un eskusa. "Decal slapping" ta otro area ku fundashon DDKM no ta tolerá. E stekernan mester ta pegá na tur dos banda di e vehíkulo durante henter e kareda di drag, inkluso si e partisipante pèrdè e promé ròndu. Ounke ta ganadó i runner up so ta elegibel pa premio, no ta nifiká ku un konduktor ta drei pone un steker djis promé ku e drenta "waterbox" den e ronda final. Si esaki sosodé, fundashon DDKM tin e derecho di keda sin duna e premio i/o e konseshon, basá riba e echo ku e konduktor no a manten'é na e akuerdo te final.
DISCLAIMER:
INTENSHON DI E PREMIONAN ORGANISA PA DRAP TA KU NAN TA KOMPLEMENTA ESUNNAN OFRESE PA E ORGANISADO DI DRAG RACE I DI NINGUN MANERA MESTER KONSIDERE UN SUPSTITUTO DI E ULTIMO AKI.
E programa di DRAP konose dos tipo di steker:
Kompanianan ku ta afilia na DRAP ku stekernan "premium" lo paga Ang. 75 pa ganado i Ang. 25 pa runner up. Ku otro palabra, pa kategoria un maksimo di Ang. 100 poni disponibel pa e kompania ei. Kompanianan ku ta partisipa ku e stekernan "basic" lo paga Ang. 45 pa ganado i Ang. 15 pa runner up. E stekernan basic ta trese un maksimo di Ang. 60 pa karegoria
Un ehempel di lo maksimo ku un partisipante di DRAP por gana basa riba e kompanianan afilia na DRAP te ku Febrüari 19, 2015:
Pa ganador di un kareda:
9 front fender (premium) stekernan na Ang. 75 kada unu, ta suma Ang. 675
6 rear fender (basic) stekernan na Ang. 45 kada unu, ta suma Ang. 270
Total na premio pa un ganado Ang. 945 (A)
Pa runner up di un kareda:
9 front fender (premium) stekernan na Ang. 25 kada unu, ta suma Ang. 225
6 rear fender (basic) stekernan na Ang. 15 kada unu, ta suma Ang. 90
Total na premio pa un ganado Ang. 315 (B)
Nota:
Den kada temporada tin un kompania ku mag hasi uso di e oportunidad pa paga ku produkto i/of servisio. Pa 2015 e kompania ku ta partisipa ku e steker 402 lo hasi uso di esaki. Ku otro palabra, si un hende kore ku steker di 402 i gana of sali runner up, i ta konforme regla, lo risibi:
- pa ganado di un kareda Ang. 870 (cash) i Ang. 75 (premio) = (A)
- pa runner up di un kareda Ang. 290 (cash) i Ang. 25 (premio) = (B)
E montantenan aki riba menshona ta te ku e fecha di Febrüari 19, 2015. Naturalmente ta sigi traha pa tin aun mas kompania partisipa den e programa. Ku otro palabra, e montantenan por ta mas den futuro.
DRAP Decal Rules:
a. Premium Decals:
Stekernan mester wordu pone dilanti e porta riba e "front fender" dje outo. Tamaño dje stekernan lo ta aproksimadamente 20 x 7 cm of 140 cm2. Tamaño di e steker lo varia di esnan ilustra aki bou.
.jpg)
b. Basic Decals:
Stekernan mester wordu pone despues di e porta riba e "rear fender" dje outo. Tamaño dje stekernan lo ta aproksimadamente 14 x 6 cm of 82 cm2. Tamaño di e steker lo varia di esnan ilustra aki bou.
c. Reglanan:
1. "Decal slapping" lo no wordu tolera. Stekernan mester ta riba e outo pa durashon dje kareda.
2. stekernan outorisa ta solamente esnan poni disponible pa DRAP. Si bo no ta sigur, djis puntra.
3. stekernan mester ta paralelo ku e parti abou dje outo (side skirt) i mester ta klaramente visibel di un distansha di 5 meter.
4. henter e steker, esta tur e area, mester ta riba e fender i ningun parti di esaki por ta skondi.
5. stekernan no por ta poni riba un otro steker, imagen of diseño sin konsulta ku nos.
6. e stekernan ofisial di DRAP mester wordu pone mas atras i mas haltu posibel riba e outo
7. pone e stekernan di un manera ku nan ta bunita pa wak i tambe ku abo ta kontentu ku kon bo outo ta mustra. Hasi un "mock up" prome ku bo pega e stekernan. Si bo outo tin 4 porta, svp tuma kontakto ku nos.
8. si bo no ta sigur di unda e stekernan mester bai, djis jama nos i gustosamente nos lo juda bo.
9. DRAP ta promove "doorslammers". Na e momento aki nos no ta kubri dragsters, outo ku ta kore riba kaya, of motorcycle. Altered's i roadster's por pidi pa un eksepshon.
10. komo ku esaki ta un programa nobo nos lo no duna posishonan eksakto pa kada steker. Si nos ta urgi bo ta mas profesional posibel ora di disidi unda nan ta bai. No pone e stekernan muchu serka riba otro. Abo ta disidi kua steker bo ta pone riba bo outo.
11. korda ku esnan (kompanianan) ku ta hasi e premionan posibel tambe lo mira bo outo, i si nan ta desapunta di kon nan steker ta mustra riba bo outo, tal vez nan lo no alarga e programa di DRAP pa otro aña. E idea ta pa DRAP tei pa basta aña mas.
 |
| Un ehempel di kon un outo lo por mustra ku e stekernan riba dje. |
Pa mas informashon, jama 511-5615.
