Komo ku drag race ta un dje deportenan mas kostoso na Kòrsou, SDDK Motorsports, den su afan pa duna un man, ta introdusí Drag Race Advertising Program.
12/12/2017 - Dos ganador den Real2Real
Den e ultimo kareda di aña, kual tabata esun di Real2Real, dos kompetidor afilia na DRAP a sa di gana nan kategoria. Esakinan ta Virgil Henriquez (Extreme Outlaw) i Ronald Mendez (Extreme Bracket) kual ta kobra un extra Ang. 750 i Ang 825 respektivamente. Seguramente un gran manera pa finalisa aña. Un pabien na un i tur ku a partisipa na e karedanan aki.
Photo credit: tur kredito ta bai na e fotografonan/doñonan dje potretnan.
11/27/17 - DRAP ta sostene Real2Real
E ultimo kareda pa 2017 kual ta e kareda tan antisipa di Real2Real, dia 3 di Desember proximo, lo wordu sostene pa DRAP.
E categorianan lo ta:
- Real All In Bracket,
- Real Outlaw Door Slammer - no rules.
Pa mas informashon lesa aki bou of jama 511-5615.
8/7/2017 - DRAP ta paga ganado di RKS 5
Weekend ku a pasa a kore e Ronde Klip Shootout 30 Sept, esun kaminda tabata tin un "personal challenge" programa. Sigur algo interesante pa futuro. Den e kategoria Heavy Bracket No Box, pa di dos biaha den 2017 partisipante di DRAP Juliene "Andy" Bonifacio a sa di gana y huntu ku esaki kobra un extra 780 florin via DRAP. E montante aki no ta e maksimo ku e lo por a gana, pero ta e suma di e stekernan ku e tin riba su outo. Hopi bon!
7/22/2017 - E sigiente kareda ku DRAP lo sostene
E sigiente kareda lo ta e Ronde Klip Shootout #5, dia 30 di September 2017. Kontrali na e blog post di 6/3/2017 nos lo salta e kareda RKS #4, esaki komo ku nos a opta pa support e one Day Bracket di Juli 1, 2017.
7/22/2017 - DRAP ta paga ganador One Day Bracket
Poko dia despues ku e kareda aki a tuma luga, e ganador di e kategoria ku nos a sostene a entrega su potretnan pa prosesamentu. Poko despues a bai over na paga e partisipante di DRAP aki lokual e ta kom in aanmerking voor. Sr. Mendez a resibi un envelop ku Ang. 825 kesh. Pabien!
6/30/2017 - One Day Bracket (Flag Day ed.)
Pa motibunan fuera di nos alkanse ta te awor nos por anunsia ku e sigiente kareda ku DRAP lo sostene ta e One Day Bracket race di Juli 1, 2017.
E sigiente kategorianan lo bini na remarke:
- Import & Domestic
- Extreme Krioyo
Pa mas informashon tokante Drag Race Advertising Program, sigi lesa aki bou. Tambe por jama nos na 511-5615.
6/9/2017 - DRAP ta paga ganadornan di RKS
Durante e siman ku a pasa e ganadornan di e kareda RKS a entrega nan potretnan pa prosesamentu. Esaki a wordu hasi mesora i a bai over na paga nan lokual nan tabata bin na remarke pe. Andy Bonifacio a resibi Ang. 780 kesh i Ronald Mendez a resibi Ang. 825 kesh. E diferensha di montante ta sinta den e kombinashon di stekernan ku nan tin riba nan auto. Pabien na ambos driver!
Si bo tambe kier partisipa den Drag Race Advertising Program, djis jama nos na 511-5615 i pasa buska e stekernan gratis. Korda, ta abo ta disidi ki steker bo ta plak riba bo outo.
6/1/2017 - RKS di 3 juni ta on!
E prome kareda ku DRAP lo sostene pa 2017 ta e RKS di 3 Yuni. E kategorianan lo ta esnan usual (Box & No Box).
E sigiente stekernan lo no forma parti di DRAP pa e aña aki:
402- Leañez,
The New Radiator.
Na nomber di tur e koredornan nos ta jama nan danki pa e sosten den 2016.
Please check bek prome ku kareda pa e latest update. Si tin pregunta, jama 511-5615.
6/3/2017 - Karedanan pa 2017:
- Ronde Klip Shootout #3, di 3 Yuni 2017,
- Ronde Klip Shootout # 4, di 5 Augustus 2017,
- Ronde Klip Shootout #5, di 30 September 2017,
- last race... n/a as yet. pls check back.
12/8/2016 - DRAP ta paga premio, CEF '16
Durante e karedanan tan gusta Curaçao Extreme Finals, Virgil Henriquez (partisipante di DRAP) a sa di sali kampeon den e kategoria Extreme Super Gas, koriendo ku Mr. Holley (Techi Racing Team). Komo tal, e la entrega su potretnan manera rekeri i ayera nos a paga Virgil 870 kesh!
Potret kortesia di W. van Lamoen (T.C.O.B.).
12/2/2016 - 402 ta wanta.
Na tur partisipante di DRAP, e steker 402 (serbes Presidente, di Leañez & Co) no ta tuma parti di e karedanan di CEF. Favor tuma bon nota di esaki, e steker aki lo no paga akaso si e koredor gana of sali runner-up den e kategorianan: Extreme Super Gas (9.90), Extreme Super Comp (8.90), of Extreme ET Bracket. Pa mas informashon, favor di jama 511-5615.
11/29/2016 - DRAP ku Curaçao Extreme Finals
Pa 2016 nos lo sostene e sigiente kategorianan di Curaçao Extreme Finals, y exito na tur e partsipantenan.
- Extreme Super Gas (9.90)
- Extreme Super Comp (8.90)
- Extreme ET Bracket.
12/10/2016 - DRAP ta paga premio kesh, RKS #5
Otro feliz partisipante tabata Ronald Mendez ku su "Purple People Eater" ku a entrega su potretnan pa asina bini na remarke komo ku e la gana su kategoria. E sigiente dia mes e por a pasa buska su envelop. Ang 870,00 kesh!
30/9/2016 - DRAP ku RKS #5, Oktober 1, 2016
E progamma inovativo di DRAP, ku ta paga sen kesh ora gana of sali "runner up", lo partisipa na e sigiente kareda di RKS, esta esun di Oktober 1, 2016. Manera ta kustumer, e kategorianan pa RKS ta:
- Box
- No box.
1/9/2016 - DRAP ta paga premio kesh, RKS 6 Aug
Den siman di 8 di ougustus ultimo, DRAP a paga un suma di Ang. 1.730,00 na tres partisipante di DRAP. Esakinan tabata tin tur e stekernan bon poni riba nan outo y a sa di gana nan kategorianan den e Ronde Klip Shootout. Esakinan tabata Randall Wederfoort, Virgil Henriquez, i Ronald Mendez.
Si bo tambe kier gana extra premio, pasa buska bo stekernan!
E sigiente kareda ku DRAP lo support ta e RKS di October 1 (#5).
28/6/2016 - Ta buska boluntario pa juda ku DRAP
Pa juda pasa informashon, manera informa koredornan di algo of juda parti steker, etc, nos ta buska un boluntario. Preferibelmente un hende ku ta partisipa den DRAP of ta bon informa tokante e programa. Boso kooperashon lo ta altamente apresia. Favor di meldu via 511-5615.
15/6/2016 - Kategorianan di CEF's Flag Day edition
Pa medio di esaki nos ta informa ku di Curaçao Extreme Foundation su Flag Day Edition (July 3, 2016) DRAP lo partisipa ku e sigiente kategorianan:
- Imports & Domestic < 8.99 (equal to or faster),
- Extreme Krioyo <10.99 (equal to or faster).
Kada un dje kategorianan aki ta paga Ang. 3.000 pa 1st place. Si bo ta afilia na
DRAP y bo gana un dje kategorianan aki, bo por gana Ang. 915 extra! Esta un total di Ang. 3.915.
E runner-up spot ta paga Ang. 305 extra.
Partisipashon na DRAP ta kompletamente gratis y ta abo ta disidi ki steker bo ta plak riba bo outo.
Pa mas informashon, jama 511-5615.
Exito na tur partisipantenan dje kareda.
27/5/2016 - Karedanan sostene
Pa medio di e blog aki nos kier informa ku pa 2016 DRAP lo sostene e sigiente karedanan:
- Jul 3,
Curaçao Extreme Nationals - one day bracket racing
- Aug 6,
Ronde Klip Shootout #4
- Oct 1,
Ronde Klip Shootout #5
- Dec 1-3,
Curaçao Extreme Finals
No ta antisipa kambio pero esaki no ta imposibel. E kategorianan lo wordu anuncia despues, pero mas pronto ku ta posibel. Tambe nos kier anunsia ku e stekernan nobo ta kla i partisipantenan por jama pa pasa buska nan. E kompanianan nobo ta:
Pa mas informashon fabor di jama 511-5615.
30/3/2016 - Update
Nos ta kontentu di por anunsia di tin dos kompania nobo ku a join nos Drag Race Advertising Program. Nan stekernan ta den fase final i pronto nos lo tin esakinan pa parti na e partisipantenan di DRAP. Komo tal, ainda nos no por start ku e programa. Manera ta kla, lo informa tur hende via di e blog aki.
29/2/2016 - Update riba e prome kareda ku DRAP lo sostene:
Pa motibunan fuera di nos kontrol ainda e lista di kompanianan ku lo partisipa na DRAP pa 2016 no ta kompletu. Tin kompanianan ku ainda mester konfirma ku nan ta partisipa.
Nos ta lamenta esaki pasombra nos kier a sostene e prome kareda kual ta e one day bracket race di 5 di Mart 2016, e Curaçao Extreme Nationals. Manera e lista ta kla, nos lo hasi esaki publiko i anunsia di biaha kual lo ta e prome kareda di 2016 ku lo sostene.
Si bo no a inskribi ainda, no warda. Hasi esaki ja bo tambe por gana extra cash! Pa mas informashon lesa e sekshon di DRAP pa 2015 of jama 511-5615.
Introdukson:
E programa di 2016 ta yuda te un máksimo di 4 drag race sankshoná pa FAC (FAC ta determiná resultadonan), di kua nos lo selekshoná un máksimo di 5 kategoria. E Ronde Klip Shootout ta elegibel. DRAP no ta aplikable pa dragsters, motorsaikel òf outo ku ta kore riba kaya.
Pa mas informashon, klik
aki i scroll lesa mas abou.
Previous winners are:
